Damen 2 Irgendwie isch dr Wurm drinne

Am Sundi ischs ume sowit gsi u mir hi Match gha, mir si vouer Energie uf Bigle greist. Dr Gägner isch nid grad ifach gsi mit Burgdorf wo zwöit klassiert isch, aber mir hei gwüsst das mir si chönne schlah wi letscht Saison ir Rückrundi. Mir si guet u fräch i Match gstartet, u mit 1:1 himer chönne z fride si, doch när himer um eis üsi dumme Eigefähler u Fäupäss iboue, u da dr Capitain vo Burgdorf di Gschänk dankend het agno simer trotz wider eis gueter Leischtig zur Pouse 5:1 zrugg gsi. Dank gueter Morau u guetem Teamgeischt simer uf 5:5 häre cho, bis zu dere Zit himer o dr scharfschütz Captain vo Burgdorf im Griff gha, doch leider hets ume nid söue si, trotz meh Baubsitz u meh Chance himer di Gou nid gschosse u so 9:6 vrlore.

Ize aber hetsech wou jedi dänkt, nächscht Gägner Waukringe, doch dr Start isch afe is zum vrgässe gsi, 2:0 füre Gägner, dankeme Abprauer u nachschuss simer uf 2:1 häre cho, aber hi när ume glaueret u so 4:1 zur Pouse zrugg glägä. Mir si du leider z spät erwachet u hei ono gd z Päch gha mit Latte u Pfoschte Schüss. Schlussresultat 8:3….

Glücklech über eh lengeri Pouse, aber viu Arbeit vor üs.

Matchbricht: Karin Aebersold